Gómez Guinovart, Xavier

Xavier Gómez Guinovart é profesor titular do Departamento de Tradución e Lingüística da Universidade de Vigo, onde imparte desde 1992 materias de especialización no ámbito das tecnoloxías lingüísticas e da informática aplicada á filoloxía e á tradución.

Canto ao seu labor investigador, Xavier Gómez Guinovart é o responsable das actividades do Seminario de Lingüística Informática (SLI), que forma parte do grupo de investigación interdepartamental da Universidade de Vigo sobre Tecnoloxías e Aplicacións da Lingua Galega (Grupo TALG).

É editor da revista Linguamática, dedicada ás tecnoloxías das linguas faladas na Península Ibèrica.

Tamén é coautor do Dicionario Moderno Inglés-Galego publicado por 2.0 Editora en 2012. Trátase da edición en formato papel do primeiro dicionario galego baseado exclusivamente en corpora. A autoría é de Xavier Gómez Guinovart (coordinador), Alberto Álvarez Lugrís e Eva Díaz Rodríguez. Os tres autores son membros do Seminario de Lingüística Informática (SLI) da Universidade de Vigo, que desenvolveu nos últimos anos importantes ferramentas lingüísticas relacionadas co emprego, difusión e coñecemento do galego. Dende a web do SLI pódese acceder, entre outros, aos recursos electrónicos descritos polo miúdo na reseña que do Dicionario María Álvarez de la Granja publicou na revista Estudos de Lingüística Galega.

Publicacións

• Gómez Guinovart, Xavier (2017) «Recursos integrados da lingua galega para a investigación lingüística», en Marta Negro Romero, Rosario Álvarez, Eduardo Moscoso Mato [eds.] Gallæcia. Estudos de lingüística portuguesa e galega, Universidade de Santiago de Compostela, Santiago de Compostela, pp. 1045-1056.
• Ferrés, Daniel and Saggion, Horacio e Gómez Guinovart, Xavier (2017) «An Adaptable Lexical Simplification Architecture for Major Ibero-Romance Languages», en Association for Computational Linguistics, Copenhagen [ed.] Proceedings of the First Workshop on Building Linguistically Generalizable NLP Systems, pp.  40-47.
• Álvarez de la Granja, María, Xosé María Gómez Clemente e Xavier Gómez Guinovart (2016) «Introducing Idioms in the Galician WordNet: Methods, Problems and Results», Open Linguistics 2-1:253–286.
• Simões, Alberto, Xavier Gómez Guinovart e José João Almeida (2016) «Enriching a Portuguese WordNet using Synonyms from a Monolingual Dictionary», en European Language Resources Association (ELRA) [ed.] Proceedings of the Tenth International Conference on Language Resources and Evaluation (LREC 2016), Portorož, pp. 2682-2687.
• Solla Portela, Miguel Anxo e Xavier Gómez Guinovart (2016) «DBpedia del gallego: recursos y aplicaciones en procesamiento del lenguaje», Procesamiento del Lenguaje Natural, 57, 139-142.
• Gómez Clemente, Xosé María, Xavier Gómez Guinovart e Alberto Simões (2015) Dicionario de sinónimos do galego. Vigo: Xerais.
• Solla Portela, Miguel Anxo e Xavier Gómez Guinovart (2015) «Galnet: o WordNet do galego. Aplicacións lexicolóxicas e terminolóxicas», Revista Galega de Filoloxía, 16, 169-201.

Contacto: xgg@uvigo.es