Introdución á actividade investigadora: primeiros pasos, publicacións e congresos

Este obradoiro servirá de introdución á actividade investigadora para aquelas persoas que queiran coñecer como iniciar a súa carreira profesional no eido da investigación ou que xa se atopan na etapa predoutoral. O obxectivo é ofrecer unha panorámica dos aspectos esenciais para desenvolver unha carreira investigadora na actualidade, polo que este curso se centrará en presentar as principais ferramentas para a difusión do traballo científico, así como en ensinar o funcionamento das revistas e dos congresos académicos. En particular, trataranse os seguintes aspectos:

• Elaboración do perfil académico: bionota, ORCID, redes sociais e liñas de investigación.
• Tipos de publicacións (artigos, capítulos, recensións etc.).
• Revistas académicas: temática, indexación, cuartís, DOI etc.
• Call for Papers: que son e onde atopalos.
• Elaboración de resumos e selección de palabras chave.
• O congreso académico: funcionamento e recomendacións.
• Oportunidades profesionais.

A parte práctica do obradoiro estará destinada á elaboración, por parte dos asistentes, do seu propio perfil académico.