Eje1 – ParatradIT 2026

EIXE 1

TRADUCIÓN E

INTERPRETACIÓN

NA ERA DIXITAL

COORDINADO POR JOSÉ YUSTE FRÍAS

INSCRÍBETE NO EIXE 1

Presentación

Son moitas as profesións e industrias nas que o desenvolvemento das novas tecnoloxías e a intelixencia artiﬁcial provocaron un enorme cambio nas tarefas automatizables. O exercicio profesional da tradución e a interpretación é unha desas actividades dixitalizadas: hoxe en día proliferan novas formas de traballar en pantalla que, aparentemente, parecen outorgar maior ﬂexibilidade, colaboración e eﬁcacia ante calquera encargo real de tradución e interpretación.

Dende o seo do Grupo de Investigación Tradución & Paratradución (T&P) da Universidade de Vigo, organizamos este Congreso agardando recibir propostas de reﬂexión e resultados prácticos sobre como capitalizar de forma positiva a devandita (r)evolución dixital tanto na docencia universitaria como no exercicio profesional da tradución e a interpretación, procurando non apartar a mirada posta en tres obxectivos:

Aumentar

os potenciais beneﬁcios que aportan as tecnoloxías lingüísticas e a intelixencia artiﬁcial tanto na formación universitaria como no exercicio profesional da tradución e a interpretación

Identificar

os posibles límites das novas tecnoloxías á hora de Traducir e Interpretar en Medio Social (TIMS). Os eidos de sanidade, educación e xustiza do servicio público necesitan, hoxe máis que nunca, a calor humana da presenza (física ou virtual?) de quen traduce e interpreta tanto á persoa que prové o servizo público como a persoa migrante alófona que recorre a el. As pantallas reforzan ou entorpecen o labor de quen exerce de forma profesional a TIMS?

Advertir

dos riscos reais que, para a formación de quen aspira a ser profesional da tradución e a interpretación, entraña o uso exclusivo das pantallas

Todo iso co ﬁn primordial de describir a mutación conceptual do que signiﬁca traducir e interpretar no século XXI. A continuación, presentamos un breve listado dos posibles temas que nos gustaría tratar neste primeiro eixo do Congreso. O seguinte listado é, simplemente, orientativo e estamos abertos a outras propostas orixinais que puidesen tratar calquera aspecto de Tradución e interpretación na era dixital:

RECURSOS PARA-TRADUCIR EN REDE

«Novas» tecnoloxías e modelos didácticos adaptados á formación universitaria en tradución e interpretación
Recursos tecnolóxicos en Internet
Recursos lingüísticos en Internet
TA (Tradución Automática): o exemplo da plataforma libre Apertium para a tradución automática entre 32 linguas
TAO (Tradución Asistida por Ordenador) e ferramentas de control de calidade nos procesos de tradución
Memorias de tradución e memoria do/a tradutor/a

FERRAMENTAS DE CONTROL DE CALIDADE

Ferramentas de revisión e corrección
Ferramentas de posedición
Ferramentas de autoedición
Ferramentas de garantía de calidade
Ferramentas de localización
Ferramentas para a Tradución e Interpretación no Medio Social (TIMS)
Procesamento de textos (macros, comandos, trucos e atallos varios)
Sistemas de autoría
Xestión documental e terminolóxica
Xestión de proxectos de tradución
Xestión dixital dos servizos de interpretación

RECURSOS PARA INTERPRETAR EN REDE

Interpretación a distancia: Interpretación Simultánea Remota (ISR) e concabino dixital
Recoñecemento vocal para a transcrición de textos: da voz ao texto
Subtitulado en directo: teclado estándar (QWERTY-AZERTY); teclado VELOTYPE; estenotipia; refalado
Aplicacións móbiles

TRADUCIÓN E INTERPRETACIÓN