Temos o pracer de anunciar a posta en marcha da microcredencial Inmersión inicial en cultura, lingua e comunicación coreana para negocios, unha formación inicial deseñada para ofrecer unha visión previa, rigorosa e contextualizada da Corea contemporánea.
Esta proposta formativa está dirixida a estudantes, profesionais e persoas interesadas que se preparan para realizar estudos ou estadías académicas no país, así como a quen traballe directamente con empresas coreanas e precise comprender mellor o seu contexto sociocultural e profesional.
A microcredencial destaca polo seu enfoque intercultural aplicado, que combina análise académica cunha comprensión práctica dos marcos sociais, culturais, lingüísticos e comunicativos que estruturan a vida cotiá e o eido universitario en Corea do Sur, así como os contextos laborais e empresariais. Trátase dunha formación orientada a proporcionar ferramentas reais para unha interacción eficaz nun contorno cultural diferente.
Obxectivos
A formación ten como finalidade:
- Desenvolver competencias interculturais aplicadas ao contexto coreano.
- Mellorar as habilidades lingüísticas e comunicativas.
- Capacitar a persoas profesionais hispanofalantes e galegofalantes para interactuar con eficacia con empresas e institucións de Corea do Sur.
- Comprender os códigos culturais, lingüísticos e estratéxicos propios do contorno empresarial coreano.
Calendario
Preinscrición: do 03/03/2026 ao 13/03/2026
Matrícula: do 09/03/2026 ao 14/03/2026
Docencia: do 17/03/2026 ao 23/04/2026
Modalidade e características
- 3 créditos ECTS
- Docencia maioritariamente en modalidade virtual
- 8 horas en modalidade presencial
- Número de prazas: mínimo 10 e máximo 25
Prezos
- Público en xeral: 282 €
- Alumni UVigo: 253,8 €
- Comunidade UVigo: 239,7 €
Observacións aos prezos
Prezo final unha vez aplicada a subvención: 84,60 euros (*)
*Este sería o prezo final para o público xeral que cumpra os requisitos para a subvención. Esta microcredencial enmárcase dentro do “Plan de desenvolvemento de microcredenciais universitarias” e contará cunha financiación do 70% para idades entre 25 e 64 anos.
Subvención recibida da Xunta de Galicia segundo o convenio de colaboración asinado o pasado 2 de maio entre a Consellería de Educación, Ciencia, Universidades e Formación profesional e as universidades galegas. Fondos do Ministerio de Ciencia, Innovación e Universidades. Plan de Recuperación, Transformación e Resiliencia – Financiado pola Unión Europea – NextGenerationEU
As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.
Esta microcredencial constitúe unha oportunidade para adquirir unha preparación sólida e contextualizada sobre Corea do Sur nun momento de crecente relevancia das relacións académicas e empresariais co país. As prazas son limitadas, polo que se recomenda realizar a preinscrición dentro do prazo establecido.
Máis información e inscrición ici.
