Materias English Friendly, Français Amical, Português Amigável e Italiano Amichevole no MTCI

O Máster universitario en Tradución pour a Comunicación Internacional (MTCI) da Universidade de Vigo —máster universitario excelente da Xunta de Galicia e membro da prestixiosa rede European Master’s in Translation (EMT) da Comisión Europea— súmase á iniciativa da Vicerreitoría de Internacionalización que promove a oferta multilingüe de materias nos graos e mestrados oficiais da UVigo.

Esta iniciativa ten como obxectivo facilitar a integración do estudantado internacional que comprende galego ou castelán, pero que non se sente o suficientemente seguro como para participar activamente ou realizar probas nestas linguas. A través das modalidades English Friendly, Français Amical, Português Amigável e Italiano Amichevole, o profesorado comprométese a:

• Traducir a guía docente ao idioma correspondente, incluíndo descrición xeral, contidos e sistema de avaliación.
• Facilitar materiais e referencias bibliográficas na lingua estranxeira, se así o require o estudantado.
• Atender as titorías na lingua estranxeira sinalada.
• Deseñar e ofrecer probas e avaliacións na lingua solicitada.
• Subir as presentacións en versión bilingüe ao espazo virtual MOOVI, sempre que sexa posible.
• Dispoñibilizar exercicios, prácticas ou casos de estudo en ambas linguas, cando sexa viable.

Queremos expresar o noso sincero agradecemento ás e aos docentes do MTCI que se sumaron a esta iniciativa e que fan posible unha formación máis accesible, diversa e aberta ao mundo.

Con esta participación, o Máster en Tradución pour a Comunicación Internacional afianza o seu carácter internacional, inclusivo e orientado ao mundo profesional, ofrecendo unha formación avanzada, multilingüe e conectada coas necesidades reais da tradución e a comunicación global.

O noso mestrado integra esta proposta como expresión da súa aposta consolidada pola dimensión internacional, e a nosa oferta para o vindeiro curso inclúe: