Externa
Departamento de Tradución e Lingüística
Jessica Gregori Sendra naceu en Pego (Alacante) e é licenciada en Tradución e Interpretación de alemán, especialidade xurídica, pola Universidade de Alacante e tradutora/intérprete xurada (español-alemán-español) nomeada polo Ministerio de Asuntos Exteriores e Cooperación.
Ademais, cursou un mestrado en Internacionalización da Empresa na Cámara de Comercio de Alacante.
Ten máis de 15 anos de experiencia como responsable en departamentos de comercio exterior de diferentes institucións e empresas e desde o ano 2014 compaxina o traballo de tradución nas especialidades de tradución económico-comercial, xurídica e xurada co de comercio exterior. No ano 2021 iniciou a súa actividade como mentora para autónomos e pemes especializada en internacionalización e xestión comercial para Fundación Ronsel no programa Merlo e asumiu a dirección da delegación galega da empresa Redflexión Consultores.
Forma parte da asociación de tradutores AGPTI.
Ao respecto da súa experiencia docente universitaria, é profesora externa no departamento de Tradución e Lingüística da Universidade de Vigo dende o curso 2020-2021. Imparte una materia no Máster en Tradución para a Comunicación Internacional, que recentemente recibiu a mención de excelencia por parte do goberno da Xunta de Galicia.
