Nado en París en 1968. Licenciado en Filoloxía Románica, doutor en Tradución e Interpretación. Dende 1992 docente de tradución na Facultade de Filoloxía e Tradución da Universidade de Vigo. Premio extraordinario de doutoramento e premio Vicente Risco de Ciencias Sociais.
Director de ICOTI, unha colección privada de investigación sobre a iconografía contemporánea da tradución nas épocas industriais anteriores á era da información. A colección aliméntase de soportes analóxicos (prensa ilustrada, estampa, correspondencia, publicidade, fotografía etc.) nos que se instrumentalizan a imaxe e a actividade da persoa tradutora ou intérprete.
Experiencia en tradución no campo turístico e museográfico, no tratamento do patrimonio e na escenografía de exposicións.
Imparte clases de tradución na Universidade de Vigo dende 1992, principalmente na combinación lingüística francés-galego e sobre o sector do turismo.
Posúe ademais unha longa experiencia na docencia da historia e da antropoloxía aplicadas á tradución.
Espazos e topoloxías da tradución
Tradución, cultura material e economía visual
Historia moderna e contemporánea da tradución